Servizos Sociais

Programa vacacións IMSERSO

Programa termalismo social

O Programa de Termalismo Social, para destinos de balnearios, podemos optar por dúas modalidades:

• IMSERSO: España
• XUNTA DE GALICIA: Galicia

Requisitos:

• Ser pensionista do Sistema Público de Pensións polos conceptos de xubilación e de invalidez, en todo caso, polo concepto de viuvez ou doutras pensións, unicamente cando a persoa beneficiaria teña cumpridos os 60 anos. Tamén poderán ser beneficiarias das prazas as persoas españolas residentes no exterior, sempre que perciban unha pensión pública, teñan máis de 60 anos e cumpran co resto de requisitos.
• Non padecer trastornos mentais graves que poidan alterar a normal convivencia nos establecementos, nin enfermidade infecto-contaxiosa.
• Poder valerse por si mesmo/a
• Precisar os tratamentos termais solicitados e carecer de contraindicación médica para a recepción dos mesmos
• Ter unha minusvalía dun igual ou superior ao 45%
• Realizar a solicitude

Solicitude:

Poderá realizar a solicitude no Centro Social, que deberá ser acompañada de expediente médico que acredite a necesidade de tratamento termal.

Programa turismo social

Requisitos:

• Ter como mínimo 65 anos cumpridos
• Ser pensionista de xubilación do Sistema Público de Pensións
• Ser pensionista de viuvez do Sistema Público de Pensións, cuxa idade sexa igual ou superior a 55 anos
• Outros/as pensionistas do Sistema Público de Pensións e prexubilados/as, en ámbolos dous casos deben ter cumpridos os 60 anos
• Ter unha minusvalía dun igual ou superior ao 45%
• Cubrir a solicitude

Consideraranse beneficiarios/as, en calidade de acompañantes, os cónxuxes destas persoas, aínda que non é preciso que reúnan os requisitos de idade e pensión.

Admitirase como acompañante un fillo ou filla con discapacidade, que teña un grao de minusvalía igual ou superior ao 45%, sempre que a viaxe a realice con seus pais e ocupe unha cama supletoria na mesma habitación do hotel. Deberá cumprimentarse o apartado correspondente da solicitude cos datos do/a fillo/a.

En calquera dos casos, as persoas solicitantes deberán valerse por si mesmas e non padecer alteracións do comportamento que impidan a normal convivencia nos hoteis.

Solicitude:

Se xa se acreditou para viaxar a tempada pasada, non é necesario que cumprimente unha nova solicitude, posto que o IMSERSO xa se puxo en contacto con vostede para a renovación dos datos.

Destinos:

A través do IMSERSO podemos viaxar a:

• Andalucía, Cataluña, Murcia e Comunidade Valenciana
• Baleares
• Canarias
• Portugal, 8 días
• Viaxes Culturais, 6 días
• Turismo de Natureza, 5 días

O Concello de Foz establece un convenio co IMSERSO para transportar ás persoas ata Santiago que teñan como destino vacacional Cataluña ou a Comunidade Valenciana.

Se optamos polo Turismo Social da Xunta de Galicia, podemos optar a destinos en Portugal.

Bailes

Todos os domingos na Sala Bahía ten lugar un baile para as persoas maiores. Sendo o acceso libre e gratuíto.

O horario desta actividade é o seguinte:

Axudas de emerxencia social

Axudas económicas de carácter extraordinario e de pagamento único, destinadas a paliar situacións de emerxencia que orixinen gastos extraordinarios para cubrir necesidades específicas de carácter básico e urxente.

Requisitos:

• Ser maior de idade
• Estar empadroado e ter residencia efectiva en calquera dos concellos da Comunidade Autónoma de Galicia
• Non dispoñer de ingresos suficientes para afronta-los gastos derivados da situación de emerxencia (ingresos non superiores ao 125% do importe do subsidio básico máis o complemento familiar da RISGA que lle correspondería)
• En ningún caso se poderá conceder máis dunha axuda para situación de emerxencia social por unidade de convivencia ao ano.

Pensións non contributivas

Certificados de minusvalía

Certificado que é o recoñecemento da discapacidade. O seu propósito é compensar as desvantaxes sociais que a minusvalía implica proporcionando acceso aos dereitos e prestacións de diferente tipo, con vistas a equiparar oportunidades.

No Centro Social de Foz tramitamos este certificado, así como a súa renovación.

Requisitos:

• D.N.I
• Tarxeta sanitaria
• Informe médico (No Centro Social proporcionarémoslle o modelo)

RISGA

A Renda de Integración Social de Galicia é unha prestación social de carácter periódico destinada a garantir recursos económicos de subsistencia a quen careza deles, así como a acadar a súa autonomía e integración normalizada mediante un proxecto personalizado de inserción.

No Centro Social tramitamos esta axuda e as prórrogas.

Solicitude RISGA

Lei de Dependencia

A Lei 39/2006 de promoción da autonomía persoal e atención ás persoas en situación de dependencia (Lei de Dependencia) ten por obxecto regular as condicións básicas que garantan a igualdade no exercicio do dereito subxectivo de cidadanía á promoción da autonomía persoal e atención ás persoas en situación de dependencia, nos termos establecidos nas leis, mediante a creación dun Sistema para a Autonomía e Atención á Dependencia, coa colaboración e participación de todas as Administracións Públicas e a garantía pola Administración Xeral do Estado dun contido mínimo común de dereitos para toda a cidadanía, en calquera parte do territorio do Estado español.

No Centro Social de Foz tramitamos: Solicitude e Programa Individual de Atención(unha vez que o caso estea valorado)

Documentación a presentar:

• D.N.I
• Tarxeta sanitaria
• Revalorización da pensión
• Certificado de empadroamento e convivencia
• Autorización datos fiscais
• Certificado de intereses bancarios
• Recibo de contribución urbana
• Certificado de minusvalía, no caso de telo
• Libro de familia, no caso de menores de idade
• Solicitude
• Informe condicións de saúde

Cheque asistencial

Programa no que a Administración Autonómica asume unha parte do custo do servizo de axuda no fogar, tras unha valoración social, médica e psicolóxica mediante unha comisión de valoración.

No Centro Social de Foz levarán a cabo a súa solicitude.

Requisitos:

• Ser maior de 65 anos e padeza unha situación de dependencia física ou psíquica que lle faga necesitar doutra persoa para realizar as actividades da vida cotiá
• Non teña os suficientes recursos económicos para afrontar todos os gastos derivados dos servizos do seu coidado

Documentación a presentar:

• D.N.I
• Tarxeta sanitaria
• Revalorización da pensión
• Certificado de empadroamento e convivencia
• Declaración da Renda de todas persoas maiores de 18 anos que conviven coa persoa solicitante
• Informe médico (No Centro Social proporcionarémoslle o modelo)

Prestación por fillo menor de 3 anos a cargo

Convocatoria anual. No Centro Social tramitarémoslle tanto a súa solicitude como a súa renovacións

Axudas non periódicas

No Centro Social facilitarémoslle as solicitudes de axudas non periódicas para persoas maiores de 65 anos ou menores con minusvalía igual ou superior ao 33%, tales como:

• Adaptación do fogar e eliminación de barreiras arquitectónicas
• Axudas técnicas
• Adaptación e eliminación de barreiras en vehículos
• Órteses e próteses
• Próteses dentais
• Audífonos

Axudas non periódicas para persoas dependentes

No Centro Social facilitarémoslle as solicitudes de axudas non periódicas para persoas maiores de 65 anos ou menores con minusvalía igual ou superior ao 33%, tales como:

• Adaptación do fogar e eliminación de barreiras arquitectónicas
• Axudas técnicas
• Adaptación e eliminación de barreiras en vehículos
• Órteses e próteses
• Próteses dentais
• Audífonos

Complementos de aluguer para pensións non contributivas

Axudas para os titulares de pensión de xubilación e invalidez da Seguridade Social, na súa modalidade non contributiva, que residan nunha vivenda alugada.

Requisitos:

• Ter recoñecida unha pensión de xubilación e invalidez da Seguridade Social na súa modalidade non contributiva na data da solicitude.
• Carecer de vivenda en propiedade.
• Ser o/a arrendatario/a da vivenda na data da solicitude.
• Non ter relación de parentesco ata o terceiro grao co arrendador da vivenda alugada.
• Ter fixada a súa residencia habitual na vivenda alugada. Para estes efectos, entenderase que a vivenda é o domicilio habitual cando a vixencia do arrendamento non sexa inferior a un ano, o pensionista residise na mesma durante un período mínimo de 180 días no ano do devengo do complemento e que durante o devandito período percibise a correspondente pensión non contributiva.

Transporte adaptado 065

O Servizo de Transporte Adaptado facilita o desprazamento programado e non urxente das persoas con problemas de mobilidade, sempre baixo condicións de máxima seguridade, cos medios precisos e co apoio de persoal de acompañamento durante o traslado.

Requisitos:

• Ter recoñecida a existencia de dificultades de mobilidade que impidan a utilización de transportes públicos
• Atoparse en situación de dependencia en calquera dos seus graos ou ter recoñecido un grao de minusvalía superior ao 65%

Axudas de integración do menor

Son axudas para unidades familiares con fillos/as menores de idade que se atopen en circunstancias de risco social e precisen de apoios económicos para satisfacer as súas necesidades básicas e evitar a desestruturación familiar.

Estas axudas son para unidades familiares con fillos/as maiores de 3 anos e menores de 18 anos.

As familias auxiliadas non poderán recibir esta axuda máis de 3 anos de forma consecutiva. Ditas axudas serán concedidas en función dos datos económicos facilitados.