Concello de Foz
Versión en galegoGalego
Versión en castellanoCastellano
Venres, 24 de Marzo de 2017
Especial Basílica de San Martiño
ACCESOS DIRECTOS
Ir a Inicio Avisos Axenda de eventos Opinión Directorio correo electrónico Directorio telefónico Plano de Foz Galería fotográfica
Axudámosche a atopar todo o que precisas. Escribe un termo relacionado co tema que che interesa:

Concello >> Saúdo do alcalde

Saúdo do alcalde

Apreciados veciños e veciñas,

Síntome orgulloso de poder darvos a benvida á páxina web do concello de Foz, posto que a partir do 11 de xuño do 2011 teño a honra de ser o Alcalde do meu querido pobo, a vila que me veu nacer e crecer no Barrio do Campo da Cabana.

Síntome un focense máis, un xove veciño que aprecia o seu pobo, que valora o seu potencial e que goza dos seus múltiples encantos día tras día.

O obxecto desta páxina web municipal é precisamente ese, ser unha ventá máis para que calquera persoa do mundo poida gozar da nosa vila, do mesmo xeito que o facemos todos os focenses a diario.

A rede de Internet é o maior canle de información que existe na actualidade. Aparte da gran amplitude de datos, documentos, arquivos e portais existentes, danos a posibilidade incluso de comunicarnos a tempo real grazas ás novas redes sociais, e ter a información máis precisa posible, ata o punto de informar a tempo real do que está a ocorrer en calquera parte do mundo.

Dende o Concello non queremos ser menos. A idea é aproveitar este canle para amosar o mellor do noso pobo, e incluso ampliar os servizos de atención ao cidadá, poñendo á disposición diversos espazos para que a cidadanía dispoña de mellor accesibilidade á documentación municipal e maior comodidade para realizar xestións, directamente dende o seu domicilio, posto de traballo ou calquera lugar onde estea.

O noso pobo sempre foi receptivo, o carácter dos focenses é aberto, extravertido e servizal para todas as persoas que deciden coñecelo por primeira vez, ou mesmo deciden repetir a súa visita e incluso establecer a súa primeira ou segunda residencia no noso pobo, ben sexa no mesmo núcleo urbano ou tamén en calquera das nosas marabillosas parroquias.

É unha pena que aínda non inventasen ningunha ferramenta informática para poder transmitir ese carácter tan peculiar, ese sentido do humor tan sutil, ese sentimento tan profundo do amor pola nosa vila, que fai que os que visitan a nosa terra se sintan como da casa e fagan que nos multipliquemos como por arte de maxia nas épocas estivais.

Foz quere seguir sendo unha referencia na Mariña Luguesa; esta comarca marabillosa, que aínda que estivo esquecida da man das administracións, foi capaz de conservar unha enorme variedade de recursos e atractivos naturais, paisaxísticos e demais valores, que todos xuntos, crean unha das zoas con máis potencial e futuro de Galicia.

Por todo iso, dámosche a benvida á Mariña de Lugo, e por suposto, ben querido sexas no pobo de Foz, que te recibe cos brazos abertos, do mesmo xeito que o fixeron dende sempre os nosos pais, avós e antepasados, orgullosos coma nós o estamos, de que visites a nosa vila.

Un cordial saúdo, do Alcalde Foz, D. Javier Jorge Castiñeira.

Ás 21:30h. na Casa da Cultura, teatro da man da compañía Teatro do Morcego que representará a obra Presidente

Sinopse: En plena campaña electoral, coas enquisas vaticinando a derrota electoral do seu partido, o PRESIDENTE do goberno e os seus asesores de...
Financiado pola Consellería de Innovación e Industria da Xunta de Galicia Deseñado por Megabyte Desarrollo Web [ Aviso Legal ] [ Directorio de contacto ]